So an Wintereinbruch hamma Mitte September scho lang nimma kappt. Des hoaste, langsam aufs Schifahrn und Bettlrutschn vorbereiten. Bei uns Bergfreind geht des am 7. Oktober los. Skigymnastik in da Schulturnhalle von Sieme (19.00 – 20.00 Uhr) bis Achte. Langsam fang ma o, so daß jeder mitkimmt, ob groß oder gloa, jung oder oider. Jeder mach de Übungen so wia er grad kon. Dabei koma natürlich a a weng ratschn, solangs de Kondition zualasst. Wer no nia da war deaf freilich a moi einfach so vorbei kemma zum neischnuppern.
