So Leid, Zeit werd’s, dass se wieda was duad bei de Bergfreind.
Weinauswahl für das Weinfest am 17.09.2022
Da Herbst steht vor da Tūr, da Wein werd reif und as letzte Weinfest ist a scho vui zlang her. Zeit zum Überlegn war gnua und neue Ideen san gereift. Mia ham des Jahr a Weinlieferantin aus Taufkircha, d’Kratzer Ingrid. Sie had uns zu a na Weinprob in ihr Ladal eigladn. Bei a gloana Brotzeit hat’s uns lauter guade Weine zum Probiern auftischt. Gschmeckt hams uns alle aber nur de Besten hams zum Weinfest gschafft. Mia hoffan natürlich, dass da für jeden Gaumen was dabei is; na, mia san uns sicher dass für Jeden was dabei sei werd. Natürlich geht’s da ned blos ums Dringa, a as Essen deaf ned zu kurz kemma. Für unsere Speckbrettl hamma uns was Neis eifeun lassn. Zamm mim Neudecker Flo wer ma a “Bergfreunde-Salami” macha. Extra fürs Weinfest und einmalig, bis jetz. Natürlich gibt’s no an Speck, an Aufstrich und a guads Brot dazua. Ausserdem hamma no was mit Antipasti im Angebot. Gfreits eich drauf! A Musi spuit natürlich a, de “Blue Rockit”, mit da Sängerin ausm Voina Gai.
Mia gfrein uns auf Eich!!
Tisch kennts bei da Rusch Andrea reserviern unter 0151 41636747
