A vom Wetterumschwung ham se de Bergfreind ned aufhoitn lassn. In da Viehwoad, beim TSV, war wieder moi danzn und dringa und guad essn ogsagt. Wie im letzten Jahr san de Weine aus Taufkircha, von da Kratzer Ingrid, ogliefert worn. Und soweit ma sang kon war für alle a flüssigs Gaumenschmankerl dabei. Dazua hod no a Band gspuid, de “Blue Rockit”. Zum zamdanzn und zum Schluss a zum abrocken. De fleißgen Mädels von de Bergfreind ham was zum essn hergricht. Schmankerlbrettl, Dreierlei Dipp und Antipasti san auf da Speisekartn gstandn. Ois “Speschl” had da Kollmer Flo wieda a extra “Bergfreind Salami” gmacht, sauguad. Zu späterer Stund san no de Fuaßballer von da AH kemma, gwunna hams, den Erdinger-Weißbier-Cup. Und somit hams an Grund kappt zum feiern, bis…. naja, Schwamm drüber. Schee wars, mia gfrein uns aufs nächste Weinfest 2024.
