Ned nur auf da Pistn lassen‘s de Bergfreind kracha. DJ Mike und Waldi warn vom Start bis ins Ziel immer voi auf Spur und der bunte Faschingshaufa had bis in de Morgenstunden abtanzt. Guad gmischt war der Narrenhaufa. Junge und Oidare, Bekannte aber a neie Gsichter oder zwar bekannt aber ned erkannt, weis so guad maskiert warn. Im Sudhaus had se ois tummelt und erst wia de Vorräte zur Neige ganga san ham se de letzten Faschingsnarrischen auf`n Hoamweg gmacht. Narren seits munter…..
