Nach zwoa Jahr Pause wars wieda soweit. De Bergfreind warn mim Weinfest wieda am Start. Nach da intensiven Weinprob und am Wurscht macha beim Flo in da Metzgerei had ja fast nix mehr schiaf geh kenna. Vui fließge Händ ham am Freitag und Samstag den ganzen Tag gwergelt und ois sauba hergricht, a de vuia Schmankerlbrettl. De Blue Rockit ham mit eanana Musi sauba eikoazt und danzt is worn wia da Deife. An da Bar und am Nagelstock war immer reger Betrieb und da Oan oda Anda had an KippDu zoin miassn weil a ned droffa had. Junge, Oide, hoibat Oide…. olle warn da und ham an rechten Spaß kappt.
