Montag – grad is de Arbeitswoche oganga, s’Wochenende war super, und jetzt? Wir warten dass es Abend wird! Um 18.30 Uhr steht der nächste Termin an. Ein Highlight schon zu Wochenbeginn.
Passt ois? Stimmt da Luftdruck? Wo is mei Helm? Is de Kettn g’schmiert?.. und los geht’s zum „Wagon“.
Beim Biken hamma oft richtig kreative Ideen! So schreibt ma mit GPS moi schoi sein Verein in d´Wiesn!
Ja mit’m Mountainbike natürlich. Skigymnastik is im Sommer ned o’gsagt, oiso treff ma uns jeden Montag um die Feld- und Radwege in der Umgebung zu erradeln. Manchmoi probier ma aus, drah ma um, schind ma uns durch abgmahde Wiesen oder an am Maisfeld entlang aber, mir schaffans imma wieda zruck. Mountainbiken is einfach ogsagt bei de Bergfreind, bei de Junga und de Oidan.
Unglaublich is manchmoi, wia weit ma kimmt in 2 Stund. Natürlich so, dass alle mitkemman, koa höher, schneller, weiter. Eher a uih schau, schee, geiler Weg, wo samma iaz und grinsen in alle Gsichter. Klar, manchmoi geht’s a bergauf, ohne „E“, nur mit Muskelkraft, mit Schmoiz in de Fiaß und am roten Gsicht wenn ma am Buckel om is. Und no unglaublicher is da Nachwuchs. Da miaßn scho stabile Radl her damit de des alles mitmacha, Wellenbahn, natürlich selberbaut, Buckel ois Sprungschanzen und no vui mehra natürliche Gegebenheiten damit des a Spaß macht. Da staunen mia Älteren was de mit eanane Radln ois ostoin…..und wia gschickt de a manchmoi aufm Hintern landn.
Mia san in da Natur unterwegs, selbstverständlich natürlich, ohne „E“, aber mit Freid und Gaudi und damit uns de Junga was abschaun kennan, für eana Radlkarriere.
